Кремљ со осуда за изјавата на Качински дека Полска е подготвена во земјата да биде поставено нуклеарно оружје

– Кремљ денеска ги осуди коментарите на лидерот на полската владејачка партија Јарослав Качински, кој изјави дека Варшава ќе биде отворена за инсталирање американско нуклеарно оружје на своја територија и го поздрави зголемувањето на бројот на американски војници во Европа за 50 отсто.

Портпаролот на Кремљ Дмитриј Песков оцени дека таквиот потег само ќе доведе до зголемени тензии.

Јарослав Качински, кој ја предводи Партијата на правото и правдата (ПиС), во текот на викендот изјави дека Полска ќе биде отворена за стационирање нуклеарно оружје на нејзина територија.