Приведен крадец од Штип, фатен на дело 

 Во Штип вчера на ул.„Широк дол“ полициски службеници од Полициската станица Штип го лишиле од слобода Џ.И.(31) од Штип.

Тој околу 17.50 часот, информираа денеска од МВР,  бил затекнат при извршување тешка кражба во двор на угостителски објект во Штип, каде со употреба на сила и подесен алат се обидел да одземе предмети.

Лицето било приведено и по документирање на случајот против него ќе биде поднесена соодветна кривична пријава.