Најголемиот светски производител на дронови ја прекина продажбата во Русија и Украина

Најголемиот светски производител на комерцијални дронови, кинеската DJI, го прекина својот бизнис во Русија и Украина.

Технолошката компанија со седиште во Хангжу во источна Кина „внатрешно ги преиспитува барањата за усогласеност во различни јурисдикции“, стои во соопштението на нејзината веб-страница.

– Во очекување на тековниот преглед, DJI привремено ќе ги суспендира сите деловни активности во Русија и Украина, соопшти компанијата.

Украинските власти рекоа дека беспилотните летала на DJI би можеле да бидат безбедносен ризик и за војската и за цивилите, пишуваше Вол Стрит Џурнал. Тие се сомневаа дека компанијата може да манипулира со уредите и изразија загриженост за употребата на дронови од руска страна.

DJI ги негираше наводите. Компанијата не дозволува продажба на дронови за воени цели, изјави нејзиниот портпарол за Вол Стрит Џурнал.

Be the first to comment

Leave a Reply

Your email address will not be published.


*