Американски туристи со неексплодирана бомба на аеродром во Израел

На туристи од САД, кои во својот багаж носеле и неексплодирана граната, им било дозволено да се качат во авион, по претресување од страна на безбедносниот персонал, соопшти управата на аеродромот „Бен Гурион“ во Тел Авив, пишува „Џерузалем пост“.

Американското семејство предизвикало тревога поради бомбата на главниот израелски аеродром, кога на безбедносните службеници им ја пријавиле неексплодирана граната, пронајдена за време на посетата на Голанската висорамнина и спакувана за враќање, соопштија властите.

На видеото, што се појави на социјалните мрежи, може да се види како патници во паника бегаат низ аеродромската зграда на „Бен Гурион“.

Според управата на аеродромот, едно лице е хоспитализирано поради повреди, добиени при обид да побегне низ движечката лента за багаж. 

Be the first to comment

Leave a Reply

Your email address will not be published.


*