Претрес во Прилеп, прoнајдено оружје, приведени две лица

Полициски службеници денеска привеле двајца прилепчани, кај кои при претрес во нивните домови биле пронајдени и најдени два пиштола и шест куршуми, соопшти Министерството за внатрешни работи.

– Полициски службеници од Секторот за внатрешни работи Битола -Надворешна канцеларија за криминалистички работи Прилеп – Отсек за недозволена трговија денеска ги лишиле од слобода Е.Е.(34) и С.Д.(29), двајцата од Прилеп. При претреси во нивните домови, извршени со судска наредба, кај Е.Е. бил пронајден и одземен пиштол марка „Ekol Tuna” без муниција, додека кај С.Д. биле пронајдени и одземени пиштол марка „Застава” и 6 куршуми калибар 6,35 мм, посочуваат од МВР.

Лицата биле приведени во полициска станица и по целосно документирање на случајот против нив ќе биде поднесена соодветна пријава по член 396 од Кривичниот законик.

Be the first to comment

Leave a Reply

Your email address will not be published.


*