АИ: Одговорните за злосторствата во Украина мора да бидат изведени пред лицето на правдата

 Меѓународната организација за човекови права Амнести интернешнал денеска соопшти дека документирала голем број воени злосторства во главниот град на Украина, вклучувајќи произволни егзекуции, бомбашки напади и тортура.
– Образецот на злосторства извршени од руската војска, што го документиравме, вклучува незаконски напади и намерно убивање цивили. Од витално значење е сите одговорни, вклучително и оние во командниот синџир, да бидат изведени пред лицето на правдата, изјави генералната секретарка на АИ, Ањес Каламар.

Амнести интернешенел соопшти дека се собрани докази и сведоштва во осум градови во близина на Киев, вклучувајќи го и Буча.

По опсадата, а потоа и повлекувањето на руската војска од Буча, украинските власти на улиците и во масовните гробници пронашле ликвидирани цивили, а на некои им биле врзани рацете.

Регионалниот гувернер на Киев, Олександр Пављук истакна дека во регионот околу Киев се пронајдени најмалку 1.235 тела на цивили.

Be the first to comment

Leave a Reply

Your email address will not be published.


*