Зеленски се сретна со шефицата на Бундестагот

Украинскиот претседател Володимир Зеленски синоќа се сретна со претседателката на германскиот Бундестаг Бербел Бас, која го посети Киев, соопшти прес-службата на украинскиот лидер.

Шефот на државата ја истакна важноста на нејзината посета на Украина во ова тешко време и на посебен ден – Денот на сеќавањето и помирувањето.

Зеленски и се заблагодари на Германија за поддршката на суверенитетот и територијалниот интегритет на Украина. Претседателот на Украина нагласи дека земјата очекува силно и самоуверено лидерство од Германија да и помогне на земјата „во борбата против рускиот агресор“.

На средбата се разговарало и за натамошната одбранбена помош на Украина од страна на Германија, како и за зајакнување на санкциите против Русија.

Зеленски го поздрави фактот што Бундестагот усвои резолуција со која се повикува германската влада да ја прошири и забрза испораката на тешко оружје за Украина.

Посебно внимание беше посветено на аспирациите на Украина за членство во ЕУ. Володимир Зеленски изрази уверување дека официјален Берлин поддржува на Украина да и додели статус на кандидат за членство, пренесува Бгнес.

Be the first to comment

Leave a Reply

Your email address will not be published.


*